DIBUXOS DE 1º PRIMARIA

Equi voi dir poniendo los dibuxos de los mios neños y neñes de 1º.

Equí tenemos el d’Enol.

Esti ye’l de Celia.

Nun toques güeyos, ñariz nin boca.

DIBUXOS 3º PRIMARIA

Estos son los dibuxinos de los neños y neñes de 3º de primaria!

Dibuxín de Xoel.

Equí tenemos el dibuxín de Deva (con Nuberu 😉)

El dibuxu de Gael.

Esti ye’l dibuxu de Lucas.

El dibuxu de Nel.

Equí ta’l dibuxu de Rubén.

Esti ye d’Hugo.

Esti ye de Jimena. 

Un pocoñín d’humor...

DIBUXOS 4º PRIMARIA EL CURIADOR DE NUBES

Per equí vos voi dir dexando los dibuxinos que me mandéis 😉

Dibuxu de Jose Antonio. 

Equí ta’l d’Adrián.

Esti ye’l de Joel!!

DIBUXOS 2º PRIMARIA

Equí voi dir subiendo los dibuxos que me vayáis pasando, val??

Y equí tenemos el de Lucía (2ºA).

Dibuxu de Carla.

Equí tenemos el dibuxu de Lucía.

Esti ye’l dibuxu d’Edu.

Dibuxu de Nora.

Ehí va’l d’Ángela! 

ACTIVIDAES 3º Y 4º.

Bon día!!

Espero que teis bien, llevando esta nueva situación de la meyor manera posible, vosotros podéis! Ánimo!!

Por otro llau, vengo a dexavos un llibru pa que vos entretengáis un ratín na casa. Llámase "El curiador de nubes" y ye una llectura piquiñina, de 5 páxines namás. A mín prestome muncho lleelu y espero qu´a vosotros/es tamién.

Pinchái equí pa ver el cuentu:

El curiador de nubes

Sólo vos voi pidir que dempués de lleelu, mandéisme un pequeñu resumen, d´ente 5 y 10 llínees solamente, cuntándome lo más importante y/o lo que más vos prestó. Y si lu acompañáis d´un dibuxu sería xenial, ya qu´asina pueo subilos al blog. Podéis mandámelu al mio correu:  estefaniagp@educastur.org

Mándovos munchos besos. En na nos vemos, de xuru!! 

Estefanía. 

El curiador de nubes

Equí vos dexo´l cuentu. Espero que vos preste!

ACTIVIDÁ 1º y 2º primaria

ACTIVIDAES DE 1º Y 2º. 

En primer llugar quiero mandavos muncho ánimo y un beso pergrande, porque ¡tais faciéndolo perbien! Dentro de pocoñín ya tamos xuntos otra vegada.

En segundu llugar, pongo equí l’actividá pa faer de llingua asturiana. Ye mui cenciella y creo que vos va prestar. Trátase d’un vídeo de Los Bolechas, los nuesos personaxes de dibuxos favoritos. Pa velo sólo hai que pinchar nel enllaz:  

Los Bolechas: Trasgu llava la ropa.

Dempués podíais facer un dibuxu sobre’l capítulu, de lo que más vos prestó o lo que más vos fizo reír. Y sería xenial si me lu pudierais mandar al mío mail:  estefaniagp@educastur.org.  Poniendo’l vueso nome pa saber de quién ye. Asina llueu pueo subilas al blog y que los vuesos collaceos vean les obres d’arte que faceis. 

Un beso enorme peques! 

P.D pa los pas y les mas: Quiero dexar claro qu’esto ye una actividá de refuerzo. El so fin ye que sigan oyendo falar n'asturianu normativu. Si dalgún neñu o neña nun pue velo, nun pue mandar el dibuxu o nun-y apetez sin más, nun pasa na. Espero velos en breve y ya falamos ente nos. Gracies pol vueso esfuerciu, paciencia y comprensión. 

#undiamenos

#yomequedoencasa

ACTIVIDÁ 5º PRIMARIA.

Qué tal perinquintos?!

Güei vos escribo porque tenemos que facer una tarea. Nun voi ser mala y vamos facer solo una a la selmana y bien facilina.

Nesta ocasión, ya que tamos na casa sin ver a los nuesos collaceos, ocurrióseme lo siguiente:

"Vamos escribir una carta a dalgún/a compañeru/a de llingua. Ehí cuntaremos-y cómo llevamos la situación, qué facemos en casa, cómo nos entretenemos... ¡lo que se nos ocurra sobre la nuesa nueva manera de vivir!"

Ya sé que vos cuesta, pero escribíi n´asturianu. El correutor ponlo difícil tamién, pero non imposible! 😅 No voi dicivos la estensión de la carta, pero alcordavos que tamos en quinto, nun me mandéis cartes de 5 llínees. Y sobretoo, pensai cómo ye una carta, que non ye una redaición (sé que lo visteis en llingua castellana).

Déxovos equí el mio correu pa que me lo mandéis ehí, ok? Ye: estefaniagp@educastur.org

El plazo pa mandar la actividá ye dende´l día miércoles 25 hasta´l martes 31 de marzu. ·El día 1 d´abril pensaremos n´otra cosa. 

Ánimo neñ@s!! Un abrazo!

Pa que nun se vos escaezcan LOS MESES DEL AÑU, equí vos los dexo con esti canciu tan prestosu!

Periquintos!!

Acordáisvos de cuando xugamos al Xixonpolis?? Deprendimos munches coses sobre la nuesa ciudá!

Dempués, repasamos en clas les coses más importantes de caún de los barrios. ¿Dalgún de vosotros atrévese a dicime algo dalgunu? VOS RETO!! 😉

Anque temos na casa, que nun se mos escaezca que vivimos nuna tierrina perguapa!! 

Vamos llevantar esi ánimu güei col mio cancio preferíu!

¿Acordáisvos cuálo ye?

¡¡A mover el culín!! 😘😘

Siguiendo con Los Bolechas, déxovos agora l´enllaz a una páxina de xuegos de los nuesos personaxes favoritos.

  Xuegos Los Bolechas

Nun podíen faltar ellos, ún de los dibuxos más prestosos n’asturiano!!

Equí vos dexo l’enllaz a la páxina onde tan los capítulos: 

https://www.youtube.com/channel/UCqZ1uAzIW9aTf3mygmkeqhw/feed

Y tamién lo tenéis directamente nel blog, a la mandrecha la páxina 😉 

Güei quiero dexaivos esti xuegu sobre Xovellanos. En clas nun mos dio tiempo a investigar sobre él, pero esti xuegu va ayudanos a averanos a la so vida y al so trabayu.

Espero que vos preste!! 

Pincha ehí:  L´enigma de Xovellanos

Bon día periquintos!!

Cómo tais llevando la nueva situación? Acordaivos que nun son vacaciones. Yo vos echo de menos, aunque nun lo creais 😅.

Equí voi dir subiendo cosuques interesantes, pa que-yos echéis una gueyadina. Espero tener noticies vuestres, y por supuesto, como siempre, admito suxerencies.

Besotes!

Hola rapacinos y rapacines!

Doivos la bienvenida a esti blog de llingua. Nel voi dir poniendovos cosines interesantes, intentando que nun se vos escaezcan les cosuques que fuimos deprendiendo.
Espero tener noticies vueses.

Besines.

Bonos días neños y neñes!

Entamo esti blog pa que temos en contauto´l tiempo que dure esta situación. Voi dir subiendo pocoñín a pocoñín cosuques pa que vayáis viendo, val? Sin prisa, nin agobios, pero intentando que nun se nos "escaezca" na. (¿Acordaisvos? ¡ESCAECER! 😉

Munchos besinos!

¡¡Bonos días peques!!

¿Qué tal? De xuru que tais pasándolo perbién y aprovechando´l tiempo. Voi dir poniéndovos cosines per equí pa no perder la costume de falar. ¿Vos atreveis a falar con el vueso pá y la vuesa ma? Toi segura que podéis enseña-yos munches coses!

Ente que nos volvemos a ver y non, tamos en contauto per equí.

¡Besotes mui grandes!

Bonos díes guah.es y guah.as!

Tamos viviendo unos días un pocoñín raros, pero nun penseis que m´escaezco de vosotros! Vamos tener que dexar el proyeutu del horru pol momento, loxicamente. Pero vamos intentar facer otres cosines ente tanto, val?
Ya vos diré diciendo como vamos faer.

Sed bonos!

Bonos díes neños y neñes!!

Como nun mos podemos ver, vamos dir repasando algunes de les cosines que dimos na clas y deprendiendo algunes nueves, sin escaecer que lo más importante ye... ¡pasalo perbién! 

Mandovos munchos besinos! 

Quiero daivos la bienvenía al blog de la asignatura de llingua asturiana del colexu Los Pericones.

Pocoñín a pocoñín va dir coyendo forma y de xuru va prestavos entrar a echar una güeyadina!

Entamamos!!