Los neños tan de viaxe per
Barcelona. Mientres visiten “El Parque Güell”, ven la “Fonte del Dragón” de
Gaudí.
¡Ye preciosu! Tantos collores,
tantes piedres como si fueren escames… un momentín!! ¿A qué ser mitolóxicu nos
recuerda esti dragón?
Mientres tamos pensando, oímos
falar en catalán. Suénanos un pocoñín estraño, pero de xuru qu´ellos piensen lo
mesmu cuando nos oyen falar n´asturianu!! Ye perguapu qu´haya munches llingues!
Son cultura, son hestoria, son parte del nuesu pasáu y del nuesu futuru.
¿Ya sabéis a qué vos recuerda
esta escultura? Ponei ales y… SI!! Al CUÉLEBRE!! ¿Alcordáisvos que trabayamos
sobre él en clas?
Propóngovos una actividá. Tenéis
que faer memoria y recordar la hestoria que vos cunté. Nella dixevos qu´había
una doncella, un campesinu, una cueva, un cuélebre…
Dempués de facer memoria, tenéis
que mándame la historia al mio corréu (estefaniagp@educastur.org) Podéis
escribila nun papel, podéis grabavos en vidéu, podéis facer un audio… Lo que
más vos preste. Yo estaré encantada de recibir les vueses hestories nel formato
que seyen.
Y de regalu, mandovos esti
dibuxín tan prestosu.
No hay comentarios:
Publicar un comentario